ЈАВЕН ПОВИК
Општина Валандово ги повикува граѓаните кои имаат причинета материјална штета настаната како последица на ниските температури и појавата на слана, која го зафати подрачјето на Општина Валандово на ден 20.03.2025 година и 21.03.2025 година (четврток и петок), да ја пријават штетата до Општинската Комисија за процена на штети од елементарни непогоди.
Барањето за пријавување на штета пополнето со бараните податоци и документи се доставува до Архивата на Општина Валандово на ул.Иво Лола Рибар бр.3, најдоцна до 01.04.2025 година.
Во Барањето потребно е да се опише настанатата штета и точната локација која се пријавува.
Во прилог на Барањето, подносителот треба да достави:
- копија од лична карта/копија од тековна состојба;
- копија од трансакциска сметка;
- доказ за сопственост/користење на недвижен имот (имотен лист, договор за закуп);
- пријава на штета*;
- изјава за штета*;
- изјава дека имотот не е осигуран*;
Пријавувањето на штетите може да се изврши во рок од 6 (шест) работни дена, односно најдоцна до 01.04.2025 година.
Барањата ќе бидат обработени од страна на Општинска комисија за процена на штети од елементарни непогоди и ќе биде изготвен Првичен Извештај, кој ќе биде проследен до Советот на Општина Валандово и до Влада на Република Северна Македонија.
ОПШТИНА ВАЛАНДОВО
Општинска комисија за процена на штети
од елементарни непогоди
ДОКУМЕНТИ:
- Јавен повик (pdf)
- Пријава на штета - физички лица (pdf)
- Пријава на штета - правни лица (pdf)
- Изјава за не осигуран имот (pdf)
- Изјава за веродостојност на податоци (pdf)