ПРОЕКТ: ДИГИТАЛИЗАЦИЈА НА УСЛУГИТЕ ЗА НАМАЛУВАЊЕ НА РИЗИКОТ ОД КАТАСТРОФИ И ЗАШТИТА НА ЖИВОТНАТА СРЕДИНА ВО ОПШТИНА ВАЛАНДОВО И ОПШТИНА ДОЈРАН
Проектот се реализираше во период од ноември 2022 до април 2023 година, каде што партнери беа Општина Валандово и Општина Дојран. Вкупната вредност на гранд средствата добиени од страна на УНДП изнесуваше 1.850.000 денари како дел од Проектот: „Пост-КОВИД: општините како двигатели за одржливиот развој“.
Целта на проектот е подобрување на испораката на локалните услуги, иновативност, дигитализација и воведување на нови услуги за намалување на ризикот од катастрофи и заштита на животната средина, заштита при управување со кризи, подигнување на меѓуопштинската соработка на повисоко ниво, логистичка поддршка на другите општини од Југоисточниот плански регион како и унапредување на родовата рамноправност и инклузивност на локално ниво.
ТППЕ Валандово и Доброволното противпожарно друштво од Дојран, добија нови униформи за секојдневна работа, како и униформи за гасење на пожари, беспилотно летало (дрон) со термална камера и грбни прскалки за шумски пожари.
![](https://www.valandovo.gov.mk/CMS/Upload/Novosti/2023/Oglasna%20tabla/IMG-aceea1111ed850bd184689b875915eab-V.jpg)
![](https://www.valandovo.gov.mk/CMS/Upload/Novosti/2023/Oglasna%20tabla/IMG-e910b99447f4c4804d4fe979734f2366-V.jpg)
![](https://www.valandovo.gov.mk/CMS/Upload/Novosti/2023/Oglasna%20tabla/IMG-1e75070ba5b4a44553ce7f690218a2b2-V.jpg)
![](https://www.valandovo.gov.mk/CMS/Upload/Novosti/2023/Oglasna%20tabla/IMG-00f0307832a5131fb0a01d76b322dcc1-V.jpg)