ДЕКЛАРАЦИЈА ЗА ЖЕНСКО ПРЕТПРИЕМНИШТВО - ОТВОРЕНИ НОВИ МОЖНОСТИ И СРУШЕНИ СТЕРЕОТИПИ
Градоначалникот на општина Валандово, Перо Костадинов, денес заеднички со координаторката на Националната платформа за женско претприемништво за Југоисточниот плански регион, Ксенија Манева Вангелова и претседателката на Здружението на граѓани „ИСЧЕКОР - ОПШТЕСТВО ЗА СИТЕ“ - Валандово, Марија Карамучева Узунова, ја потпишаа Декларацијата за женско претприемништво, со што Општина Валандово се вклучува во националната иницијатива за развој и поддршка на жените во претприемништвото.
Целта на декларацијата е преку заеднички пристап да се подобрат состојбите на локално ниво, да се придонесе кон развојот на женското претприемништво во локалната заедница и што повеќе жени да се охрабрат и започнат сопствен бизнис.
Превземаме обврска да ги следиме трендовите на глобално ниво, да ги примениме најдобрите практики од светот дома и заедно да создадеме систем кој информира, нуди решенија и ги поттикнува жените. Жената може да се соочи со предизвиците, исто како и мажот. Ја промовираме еднаквоста како вредност и ги рушиме стереотипите.
![](https://www.valandovo.gov.mk/CMS/Upload/Novosti/2022/Nastani/292056334_434668385340438_7053002763051185168_n.jpg)
![](https://www.valandovo.gov.mk/CMS/Upload/Novosti/2022/Nastani/291337775_434668808673729_3428086075305910847_n.jpg)