ОПШТИНА ВАЛАНДОВО

Врз основа на член 39 став 2 од Законот за локалната самоуправа („Службен весник на РМ“ бр.5/2002 и „Службен весник на РСМ“ бр.202/24), член 19 став 2  од Статутот на Општина Валандово и член 60 став 2 од Деловникот на Советот на Општина Валандово, донесувам

Р Е Ш Е Н И Е

за свикување на третата редовна седница
на Советот на Општина Валандово

Ја свикувам третата редовна седница на Советот на Општина Валандово.
Седницата ќе се одржи на ден 13 ^ти  ноември 2025 година (четврток) во 12:00 часот, во  салата за седници на Советот на Општина Валандово.
За работа на третата редовна седница го предлагам следниот:

Д Н Е В Е Н   Р Е Д

1. Квартален извештај за извршување на Буџетот на Општина Валандово за извештајниот период (кумулативно) за квартал 01.01.2025 година до 30.09.2025 година;
2. Предлог – План на програмите за развој;
3. Предлог – Програма за oдржување на локалните патишта и улици во Општина Валандово во 2025/2026 година во зимски услови;
4. Предлог – Одлука за давање на времено користење на недвижен имот сопственост на Општина Валандово на Управа за водење на матични книги, Подрачна канцеларија Валандово
5. Предлог – Елаборат за проценета штета од елементарна непогода: настаната како последица на силно невреме проследено од дожд и град, грмежи и силен ветер која го зафати подрачјето на Општина Валандово на 15.07.2025;
6. Предлог – Елаборат за измена на елаборат за проценета штета од елементарна непогода: силно невреме проследено со пороен дожд, врнежи од град, грмежи и силен ветер која зафати дел од подрачјето на Општина Валандово на ден 02.07.2024 година;
7. Предлог – Елаборат за измена на елаборат за проценета штета од елементарна непогода: настаната како последица на ниските температури и појава на слана која го зафати подрачјето на Општина Валандово на 20.03.2025 и 21.03.2025 година;
8. Предлог-Одлука за формирање на Комисија за координација и соработка со невладини организации, асоцијации и здруженија на граѓани и за избирање на претседател и членови на Комисијата;
9. Предлог – Решение за именување на претставници на Општина Валандово за членови на Училишен одбор на СОУ „Гоце Делчев“ Валандово;
10. Предлог – Решение за именување на претседател и членови на Управниот одбор на Домот на културата „25-ти Мај“ Валандово;
11. Предлог – Решение за именување на претставници на Општина Валандово за членови на Управниот одбор на Јавната  општинска установа за деца- Детска градинка „Калинка“ Валандово
12. Предлог – Одлука за формирање на Орган за надзор за вршење на внатрешна контрола на работењето на ЈОУДГ „Калинка“ Валандово.

СОВЕТ НА ОПШТИНА ВАЛАНДОВО
Претседател
Марија Чурлинова