ОПРЕМУВАЊЕ НА КОМПЈУТЕРСКИ ЛАБАРАТОРИИ И УЧИЛИШЕН МЕДИУМ ВО УЧИЛИШТАТА ВО ВАЛАНДОВО И ЈОСИФОВО

Во ООУ "Страшо Пинџур" Јосифово, ООУ "Јосип Броз Тито" Валандово и СОУ "Гоце Делчев" Валандово, е инсталирана нова компјутерска опрема со која целосно се опремени новите училници по информатичка технологија. Опремувањето на новите училници е проект за чија реализација се одлучи на граѓански форуми организирани во општина Валандово, во претходниот период.

Форумите беа дел од проектот "Зајакнување на општинските совети" и истите послужија како демократска алатка за реализирања на мислењата и предлозите на граѓаните. Со гласање, учесниците на форумот, за проект кој ќе се имплементира го избраа "ИКТ лабораторија со соодветна хардверска и софтверска опрема и училишен медиум" кој ги опфаќаше трите општински училишта.

За реализација на овој проект, беше предвиден фонд од 50.000 швајцарски франци, обезбедени од Швајцарската агенција за развој и соработка, а имплементирани од УНДП.

Во февруари 2020 година, швајцарската амбасадорка, Н.Е. Сибил Зутер Техада, заедно со градоначалникот на општина Валандово, Перо Костадинов и претседателот на Совет, Владимир Марков го посети СОУ "Гоце Делчев" Валандово, кое е едно од трите училишта во кои претходниот период беше инсталирана нова компјутерска опрема со која целосно се опремија нови училници по информатичка технологија.