ОПШТИНА ВАЛАНДОВО

Врз основа на член 39 став 2 од Законот за локалната самоуправа („Службен весник на РМ“ бр.5/2002), член 19 став 2  од Статутот на Општина Валандово и член 60 став 2 од Деловникот на Советот на Општина Валандово, донесувам

Р Е Ш Е Н И Е

за свикување на дваесеттата редовна седница

на Советот на Општина Валандово

Ја свикувам дваесеттата редовна седница на Советот на Општина Валандово.

Седницата ќе се одржи на ден 31 ^ви март 2023 година (петок) во ­­­11:00 часот во салата за седници на Советот на Општина Валандово.

За работа на дваесеттата редовна седница го предлагам следниот:

Д Н Е В Е Н   Р Е Д

1. Предлог – Програма за спроведување на општи мерки за заштита на населението од заразни болести на подрачјето на Општина Валандово во 2023 година;
2. Предлог - План за измена на годишниот план за вработување на ЈП „Комунален сервис” Валандово за 2023 година;
3. Давање согласност на Одлуката за усвојување на тарифа за собирање и одведување на урбани отпадни води на ЈП „Комунален сервис“ Валандово за 2023 и 2024  година;
4. Давање согласност на Одлуката за усвојување на тарифа за снабдување со вода за пиење или водоснабдување на ЈП „Комунален сервис“ Валандово за 2023 и 2024 година;
5. Предлог – Одлука за одобрување на средства на ООУ „Страшо Пинџур” с.Јосифово, Валандово за реализирани активности по повод патрониот празник;
6. Предлог – Одлука за одобрување на средства за реализација на програмските активности на Фудбалскиот клуб „Победа” Валандово;
7. Предлог – Одлука за одобрување на средства за реализација на програмските активности на Женски фудбалскиот клуб „ЖФК Победа 16” Валандово;
8. Предлог – Одлука за одобрување на средства на КУД „МЛАДОСТ“ с.Јосифово за покривање на патни трошоци за учество на Меѓународен фолклорен фестивал „Изхалкдан 2023“ во Изник - Никеја, Република Турција;
9. Предлог – Одлука за продажба на недвижна ствар сопственост на Општина Валандово на КП.бр.515/4 КО Раброво;
10. Предлог – Одлука за продажба на движна ствар сопственост на Општина Валандово;
11. Предлог – Одлука за изменување и дополнување на Одлуката за утврдување на висината на надоместокот за поставување на инсталации, објекти и опрема во патниот, заштитниот појас и трупот на општинските патишта и улици во Општина Валандово; 
12. Предлог – Програма за дополнување на Програмата за урбанистичко планирање на Општина Валандово за 2023 година.        

                                                                                             Претседател

                                                                               на Совет на Општина Валандово

                                                                                          Владимир Марков