УЧЕНИЦИ ОД ТРБОВЉЕ ВО ПОСЕТА НА ВАЛАНДОВО

Градоначалникот на општина Валандово, Перо Костадинов, им посака пријатен престој на учениците од збратимената општина Трбовље од Словенија, кои се во посета на општина Валандово и СОУ „Гоце Делчев“.

Тие се овде, преку програмата на Заводот за млади и спорт на Трбовље, како активност втемелена на меморандумот за соработка на двете збратимени општини.

Меморандумот предвидена размена на млади, социо-економско вмрежување и градење соработка на сите нивоа.

Ги поврзуваме граѓаните од најмали возрасти, ја зајакнуваме врската на двете локални заедници и отвараме перспективи за во иднина.

Пријателствата се нашата сила.