АМБАСАДОРКАТА НА ШВАЈЦАРИЈА ВО РАБОТНА ПОСЕТА НА ВАЛАНДОВО

Во официјална посета на општина Валандово е Амбасадорката на Швајцарија, H.E. Вероник Улман Марти заедно со претставници од Швајцарската агенција за соработка и развој.

📗 Се одржаа работен состанок на кој се разговараше за поврзаноста на двете општества, за важноста од поддршката на општина Валандово преку проектот за зајакнување на општинските совети, како и за потребата од вмрежувањето на граѓаните на локално ниво, наредниот период.

💻 Градоначалникот Перо Костадинов, заедно со амбасадорката беа во посета на ООУ „Јосип Броз Тито“ и ИТ кабинетот на училиштето, кој беше изграден со поддршка на Швајцарија преку проектот ИКТ лаборатории и училишен медиум. Преку овој проект, општинските училишта го формираа училишниот медиум „КЛИК“ кој активно го развиваат и информираат во заедницата.

🤝 Градиме партнерства со поуспешните од нас, учиме преку нивните примери и напредуваме. Општина Валандово е отворена кон светот, се поврзува со останатите и подготвена е за нови промени кои носат развој.