ФОЛК ФЕСТ ВАЛАНДОВО 2022
Во фестивалската сала „Јанко Узунов“ во Валандово, се одржа 35 јубилејно издание на фестивалот на новосоздадена македонска песна Фолк Фест Валандово 2022. Се натпреваруваа 23 композиции творени во духот на македонската фолк музика.
За победник е избрана композицијата „До мојот последен ден“ изведена од Пепита Бојкова, второтопласирана е композицијата „Стариот јавор“, интерпретирана од Лилјана Прнаркова, а за трето место беше избрана композицијата „Изгубени души“ на Ефто Пупиновски.
Вечерта помина со многу музика и убави емоции. Фолк Фест - Валандово, е еден од симболите на нашата заедница и традиција која ја негуваат и надградуваат многу генерации. Фестивалот има исклучително културолошко значење и истиот е еден од симболите на нашата идентитетска посебност.
