На 21.05.2019 година во просторот на Општина Валандово, се одржа прес – конференција на која се објавија деталите за годинешното издание на „Фолк Фест Валандово“, кое ќе се одржи на 30-ти и 31-ви мај 2019 година.

На прес конференцијата се обратија Градоначалникот на Општина Валандово, Перо Костадинов, претседателот на Програмскиот Совет на Фолк Фест Валандово, Живоин Глишиќ, како и водителите Ѓорги Калајџиев и Ирена Спировска. Беа најавени многу пропратни настани кои ќе му претходат на фестивалот, беа објавени имињата на изведувачите, новитетите кои се воведуваат, како и беше извршена ждрепка за избор на редоследот на учесниците во втората фестивалска вечер, која е од натпреварувачки карактер и ќе се одржи на 31-ви мај.